Ուրախ ենք հայտնել, որ մի քանի րոպե առաջ մեզ էին զանգահարել հեռավոր Լապլանդիայում բնակվող Ձմեռ պապերը:

– Ողջույն իմ խիզախ թոռնիկներ: Այստեղ Լապլանդիայում մեզ շատ է զայրացրել այդ անպիտան օրենքը և բոլոր չարաճճիները, ովքեր խրախուսում են այն: Եղեք համոզված, որ նրանցից ո՛չ մեկին այս տարի նվեր չի հասնելու,- վրդովված ասաց Ձմեռ պապերից մեկը:

– Մենք ուշիուշով հետևում ենք ձեր՝ վերջին ամիսների ծավալած պայքարին և պատրաստվում ենք գալ ձեզ օգնության,- ավելացրեց մեկ ուրիշը:

Ձմեռ պապերը խոստացան, որ շաբաթ օրը ժամը 13:30-ին կժամանեն Երևան և մեր քաղաքի մարդաշատ վայրերում, քաղցրավենիք բաժանելով, կիրազեկեն մարդկանց Կուտակային կենսաթոշակների օրենքի պարտադիր բաղադրիչի մասին:

Եթե ցանկանում եք լինել «Լապլանդիայից ժամանած Ձմեռ պապ», խնդրում ենք ուղարկել Ձեր հեռախոսահամարը es@dem.am էլ. հասցեին: Մեր թիմի անդամները անպայման կզանգահարեն Ձեզ՝ այս ամանորյա ակցիայի մանրամասները հայտնելու համար:

Ֆեյսբուքյան event-ը` հղում:

 

Դ!ԵՄ ԵՄ թիմ

Հիշեցում. Ըստ «ՀԵՂԻՆԱԿԱՅԻՆ ԻՐԱՎՈՒՆՔԻ ԵՎ ՀԱՐԱԿԻՑ ԻՐԱՎՈՒՆՔՆԵՐԻ ՄԱՍԻՆ» ՀՀ Օրենքի 22.1 հոդվածի, նյութը մեջբերելիս՝  հղումը սկզբնաղբյուրին պարտադիր է: