Ս.թ. նոյմբերի 20-ին «Հայկական Ժամանակ» օրաթերթում տպագրվել է «Մրցանակները կվերադարձնե՞ն» վերտառությամբ հոդվածը, որտեղ հոդվածագիրը մասնավորապես նշել է՝
«Տեղեկատվական տեխնոլոգիաների երիտասարդ մասնագետները, ովքեր միավորվել են «Ընդդեմ կենսաթոշակային 5 տոկոս պարտադիր վճարի» քաղաքացիական նախաձեռնության մեջ, մտածում են Սերժ Սարգսյանից ստացած իրենց մրցանակները հետ վերադարձնելու մասին՝ ի նշան բողոքի: Այս մասին մեր զրույցում երեկ հայտնեց նախաձեռնության անդամ, «Սինոփսիս» տեղեկատվական տեխնոլոգիաների կենտրոնի աշխատակից Դավիթ Հովհաննիսյանը:»
Հոդվածագրի շարադրանքի մեջ կա մտքի աղավաղում, քանի որ մասնավոր կարծիքները ներկայացվել են որպես քննարկվող քայլ, ինչը ընթերցողի մոտ թյուրըմբռնումների տեղիք է տալիս:
Մրցանակ վերադարձնելու մասին ոչ մի որոշում կամ քննարկում չի եղել ուստի ես ՀԵՐՔՈՒՄ ԵՄ, որ ասել եմ, որ նման հետագա քայլ է ծրագրված կամ այս հարցը քննարկման է ենթարկվել:
Կոչ ենք անում ԶԼՄ-ներին, լրագրողներին և պահանջում իրենց հետ հարցազրույցներում արտահայտած մտքերը չաղավաղել և չհրամցնել հասարակությանը հնարավոր այլ նկատառումներով:
Զրույցի իրական հարց ու պատասխանը
Հարց՝
Ճի՞շտ են այն տեղեկությունները, որ ՏՏ ոլորտի այն մասնագետները, որոնք նախագահից իրենց ոլորտում գրանցած հաջողությունների համար պարգևներ են ստացել, պատրաստվում են դրանք հետ վերադարձնել:
Պատասխան՝
Նման կարծիքներ իրոք հնչել են, սակայն դա որպես կայացած լուրջ որոշում կամ փաստ դիտարկելը կարծում եմ վաղաժամ է:
Հարց՝
Բայց չեք բացառում, որ նման բան հնարավոր է:
Պատասխան՝
ՀՀ Նախագահը միշտ շեշտել էիր աջակցությունը ՏՏ ոլորտին և կարևորել է այն, ուստի այս պահին նման քայլ անելու հավանականությունը շատ փոքր եմ համարում:
Հեղինակ՝ Դավիթ Հովհաննիսյան
Դ!ԵՄ ԵՄ թիմ
Հիշեցում. Ըստ «ՀԵՂԻՆԱԿԱՅԻՆ ԻՐԱՎՈՒՆՔԻ ԵՎ ՀԱՐԱԿԻՑ ԻՐԱՎՈՒՆՔՆԵՐԻ ՄԱՍԻՆ» ՀՀ Օրենքի 22.1 հոդվածի, նյութը մեջբերելիս՝ հղումը սկզբնաղբյուրին պարտադիր է: