Դ!ԵՄ ԵՄ – *** ԿՐԿԻՆ ԴԵՊԻ ԱԶԳԱՅԻՆ ԺՈՂՈՎ ***

Հարգելի հայրենակիցներ,

ՀՀ Ազգային ժողովի 03.12.2013թ. նիստի ժամանակ քննարկվել է ԲՀԿ–ի, ՀԱԿ–ի, ՀՅԴ–ի և «Ժառանգության» խմբակցությունների նախաձեռնությամբ ներկայացված պարտադիր կուտակային կենսաթոշակային համակարգի կիրառումը մեկ տարով հետաձգելու մասին օրենսդրական առաջարկությունը:

Սակայն, Ազգային ժողովի նախագահ Հովիկ Աբրահամյանը հայտարարեց, որ քվեարկությունը տեղի է ունենալու վաղն առավոտյան։

Հետևաբար, մենք կրկին մոբիլիզացնում ենք մեր ուժերը՝ կրկնապատկելով մեր թվաքանակը, վաղն առավոտյան՝ ժամանակը 11.30-ին հավաքվում ենք կրկին Ազգային ժողովի շենքի դիմաց՝ պահանջելու՝ ԱԺ բոլոր պատգամավորներին մասնակցել քվեարկությանը և կողմ քվեարկել պարտադիր կուտակային կենսաթոշակային համակարգի կիրառումը մեկ տարով հետաձգելու մասին օրինագծին:

Չնայած մենք բոլորս քաջատեղյակ ենք օրենքից և շատ լավ գիտակցում ենք, որ այդ օրենքում պարտադիր կուտակային կենսաթոշակային համակարգն ինքնին հակասահմանադրական է և մեր պահանջն է եղել վերանայել օրենքը և օրենքից հանել պարտադիր կուտակային կենսաթոշակային բաղադրիչը: Սակայն մեզ աջակցող պատգամավորներն իրենք են որոշել հանդես գալ այդ առաջարկությամբ, հետագայում ՙԿուտակային կենսաթոշակների մասին՚ ՀՀ օրենքն ամբողջությամբ բարեփոխելու մտադրությամբ: Մեզ մնում է միայն սատարել մեզ աջակցող պատգամավորներին:

Ֆեյբուքյան event-ը` հղում:

Միացիր և տարածիր:

Դ!ԵՄ ԵՄ թիմ