Ինչպես հայտնում է civilnet.am կայքը՝

«2014 թ. հունվարից մոտ 250 հազ. մարդ ստիպված է լինելու իր աշխատավարձից հատկացումներ անել պարտադիր կենսաթոշակային հաշիվներին: 5% պետք է փոխանցի աշխատողը, 5%՝ պետությունը: Եթե հաշվի առնենք ներկայիս միջին աշխատավարձը՝ 150 հազ. դրամ, ապա ամսական կտրվածքով կենսաթոշակային հաշիվներին պետք է փոխանցվի մոտ 3.7 մլրդ դրամ, սակայն եթե հաշվի առնենք հաջորդ տարվա աշխատավարձային բարձրացումները, դա կկազմի ամսական մոտ 5 մլրդ դրամ (ամսական 200 հազ. դրամ միջին աշխատավարձի հաշվարկով): Այսպիսով՝ կենսաթոշակային հաշիվները 2014 թ. կկուտակեն ընդհանուր առմամբ 50-60 մլրդ դրամ, որից 25-30 մլրդ դրամը պետք է հատկացնի պետությունը: Սակայն 2014 թ. բյուջեի նախագծում այդ նպատակով հատկացված է 20 մլրդ դրամ, ինչը հաշվի չի առնում աշխատավարձերի աճը: Հավանաբար՝ տարվա ընթացքում կառավարությունն իր պահուստային ֆոնդից լրացուցիչ հատկացումներ կանի:

Շարունակություն →

Ինչպես հայտնում է news.am կայքը՝

«2014 – 16թթ Հայաստանում կենսաթոշակային բարեփոխումը կպահանջի լրացուցիչ 153 մլն դոլար; Այս մասին այսօր հայտարարել է ֆինանսների նախարարի առաջին տեղակալ Պավել Սաֆարյանը՝ ելույթ ունենալով հաջորդ տարվա բյուջեի խորհրդարանական քննարկումներին:

Սաֆարյանն ընդգծել է, որ թոշակառուների թիվն ու նրանց կենսաթոշակների չափը կարող են աճել: «Այդ դեպքում չբավարարող միջոցները մենք կտրամադրենք Կառավարության պահուստային ֆոնդից»,-պարզաբանել է նախարարի տեղակալը:

Հիշեցնենք, որ 2014-ի սկզբից Հայաստանն անցում է կատարում կուտակային կենսաթոշակային համակարգին:»

Աղբյուր` http://news.am/arm/news/178854.html

Հարգելի ԴԵՄ ԵՄ ՊԱՐՏԱԴԻՐԻՆ գաղափարի համախոհներ,

Այսօր, Հոկտեմբերի 30, 2013, ՀՀ վարչապետ պրն. Տ.Սարգսյանին է փոխանցվել այն նամակ-բողոքը (Հսկիչ Համար 6776-292A-052D), որի ներքո ստորագրել են 2,698 ՀՀ հարկատու-քաղաքացի 50-ից ավել կազմակերպություններից, և անհատ մարդիկ, որոնք ԱՆԹՈՒՅԼԱՏՐԵԼԻ են համարում Կենսաթոշակային բարեփոխումների մասին օրենքի ՊԱՐՏԱԴԻՐ բաղադրիչի կիրառումը, ինչպես նաև օրենքի ներկայիս վիճակով գործարկումը:

Նամակ-բողոքում փորձ է արվել վարչապետի ուշադրությունը գրավել այն խնդիրների վրա, որոնց կհանգեցնի սույն օրենքի կիրառումը, ու առաջարկել ենք կառավարությանը կասեցնել օրենքի ուժի մեջ մտնելը 2014թ.-ի հունվարի 1-ից՝ այն ճանաչելով թերի, ժամանակավրեպ և այսօրվա իրականության հետ անհամատեղելի: Նամակով վարչապետին ներկայացվել է բողոք այն մտահոգությունների և ռիսկերի մասին, որ՝

Շարունակություն →

Սույն թվականի հոկտեմբերի 26-ին www.news.am կայքում հրապարակվել է «Դա այն խավը չի, որ պետք է բողոքի սոցիալական վիճակից. Վարդան Արամյանը՝ կենսաթոշակային նոր համակարգից բողոքողների մասին» վերտառությամբ հոդվածը: Ծաղկաձորում՝ կենսաթոշակային բարեփոխումներին նվիրված սեմինարում, ՀՀ նախագահի աշխատակազմի ղեկավարի տեղակալ, ՀՀ ֆինանսների նախկին փոխնախարար Վարդան Արամյանի արտահայտած որոշ մտքերի վերաբերյալ ցանկանում ենք պարզաբանել՝

Շարունակություն →