Ինչպես հայտնում է armtimes.com կայքը՝

«Որքան մոտենում է կենսաթոշակային նոր համակարգի ներդրման սկզբնաժամկետը, այնքան մեծանում է հանրության դիմադրությունը դրա նկատմամբ:

2014 թվականի հունվարի 1-ից Հայաստանում ներդրվում է, այսպես կոչված, կենսաթոշակային պարտադիր կուտակային համակարգը: Այն ենթադրում է, որ 40 տարին չլրացած բոլոր աշխատավարձ ստացող հայաստանցիները իրենց աշխատավարձից պարտադիր կերպով պետք է վճարում կատարեն կուտակային հիմնադրամներից որեւէ մեկին, որպեսզի այդ գումարը ետ ստանան թոշակի անցնելուց հետո: Այս համակարգին դեմ դուրս եկածների ավանգարդում մի խավ է, որին հնարավոր չէ որակել որպես անգրագետ կամ կիսագրագետ: Խոսքը տեղեկատվական տեխնոլոգիաների ոլորտի աշխատակիցների մասին է: Վերջիններս ակտիվ պայքարի մեջ են: Նրանք հիմնավորում են նոր համակարգի ներդրման բացասական հետեւանքները` հանդես գալով բաց նամակներով ու հայտարարություններով, եւ նրանց շարքերն օրեցօր աճում են: Եթե ընդամենը մեկ-երկու շաբաթ առաջ այդպիսի հայտարարությունների տակ ստորագրում էր 7 տասնյակ մարդ, ապա երեկ ՀՀ վարչապետին` նոր համակարգը քննադատող բաց նամակի տակ ստորագրել է 46 կազմակերպություն` արդեն տարբեր ոլորտներից: Սա լուրջ հակազդեցություն է եւ կարող է փոխել իրավիճակը:

Շարունակություն →

Ինչպես հայտնում է azatutyun.am կայքը՝

«Պարտադիր կենսաթոշակային ֆոնդերի կառավարման լիցենզիա ստանալու համար Հայաստանի Կենտրոնական բանկը (ԿԲ) երկու հայտ է ստացել:

Այսօր հրապարակվել է, որ դրանցից առաջինը «Ամունդի»-ի հայտն է՝ «Ակբա-Կրեդիտ ագրիկոլ» բանկի հետ միասին, մյուսը՝ ավստրիա-գերմանական «Ց-քվադրատ» և «Տալանքս» ընկերություններինը:

Փաստորեն 1974 թվականից հետո ծնված քաղաքացիների ընտրությունը ընդամենը երկու կառավարիչների միջև է լինելու: Իսկ նրանց փոխարեն, ովքեր ընտրությունը չեն կատարի սահմանված ժամանակահատվածում՝ մինչև հաջորդ տարվա հունվարի կեսը, այդ որոշումը կկայանցնի պետությունը:

Շարունակություն →

Ինչպես հայտնում է parliamentmonitoring.am կայքը՝

« «Կուտակային կենսաթոշակների մասին» ՀՀ օրենքն ընդունվել է 2010 թվականի դեկտեմբերին, իսկ 2012-ի տարեվերջին՝ ընդարձակ փոփոխությունների ենթարկվել:  Ի դեպ, 2012-ին կատարված փոփոխությունները չէին վերաբերում հիմնականին, այսինքն՝ ի սկզբանե պարզ ու անթաքույց էր, որ՝

Շարունակություն →

Այսօր ԻՏՁՄ գործադիր տնօրեն Կարեն Վարդանյանը մեզ հայտնել է, որ Նոյոմբերի 5-ին “Կենսաթոշակային բարեփոխումների իրազեկման կենտրոն” հիմնադրամի կողմից կազմակերպվող կենսաթոշակային բարեփոխումների վերաբերյալ հանդիպումը հետաձգվում է՝ խոստանալով հանդիպման անցկացման օրվա փոփոխության վերաբերյալ հավելյալ տեղեկացնել:

Հիշեցնում ենք, որ սա արդեն երկրորդ դեպքն է, երբ կենսաթոշակային «բարեփոխումների» պաշտպանները կամ չեն ներկայանում հանդիպման, կամ էլ հետաձգում են այն: