Մամուլում հաճախ են հայտնվում հոդվածներ, որտեղ տարբեր քաղաքացիներ արտահայտում են իրենց մոտեցումներն ու կարծիքները թե՛ պարտադիր կուտակային կենսաթոշակային համակարգի և թե՛ դրա դեմ պայքարի ձևերի և ուղիների վերաբերյալ:

Մենք կարծում ենք, որ դա բնական է, քանզի այս օրենքին դեմ է ողջ հանրությունը` բացառությամբ այն հեղինակած որոշ պաշտոնյաների և վերջիններիս ուղղակի ենթակայության ներքո գործող անձանց:

Յուրաքանչյուր քաղաքացի, «Դ!ԵՄ ԵՄ» նախաձեռնությանը սատարող յուրաքանչյուր ոք բացարձակապես ազատ է կիսելու իր մտքերը, իր պատկերացումները «Կուտակային կենսաթոշակների մասին» ՀՀ օրենքի և նրա պարտադիր բաղադրիչի դեմ պայքարի վերաբերյալ:

Այնուամենայնիվ, հարկ ենք համարում նշել, որ չի կարելի յուրաքանչյուր հոդված կամ այնտեղ հնչած յուրաքանչյուր միտք, արտահայտած որևէ քաղաքացու կողմից, վերագրել «Դ!ԵՄ ԵՄ» նախաձեռնության պաշտոնական դիրքորոշմանը: Շարունակություն →

Հարգելի հայրենակիցներ,

Մեզ հասած տեղեկություններով ևս մեկ աշխատանքային կոլեկտիվի ինքնասիրություն և սահմանադրական իավունք է ոտնահարվել: Եվ ողջունելին այն է, որ մադիկ կարողացել են ինքնակազմակերպվել, ոտքի կանգնել և մեկ մարդու նման պայքարել իրենց իրավունքների համար:

Խոսքը Երևանի Մետրոպոլիտենի աշխատակիցների մասին է: Վաղը առավոտյան, ժամը 10:00-ին Երևանի Մետրոպոլիտենի գլխավոր վարչության շենքի մոտ/Մետրո Բարեկամություն/, կհավաքվեն Մետրոպոլիտենի մի քանի տասնյակ աշխատակիցներ, որպեսզի իրենց բողոք դիմումը հանձնեն տնօրինությանը, և ասեն, որ իրենք նույնպես դեմ են պարտադիրին:  Շարունակություն →

Փետրվարի 5-ին «Դ!ԵՄ ԵՄ» նախաձեռնող խումբը «ՎիվաՍել-ՄՏՍ» ընկերությունից ստացել է նախկինում հրապարակված բաց նամակի պատասխանը`

«Հարգելի «Դ!ԵՄ ԵՄ» նախաձեռնող խումբ,

Խնդրին առնչվող ձեր նախորդ հարցմանը ՎիվաՍել-ՄՏՍ-ը պատասխանել է ս.թ. հունվարի 31-ին:

Այժմ կրկին հայտնում ենք, որ բազմաթիվ այլ ձեռնարկությունների նման, ՎիվաՍել-ՄՏՍ-ը նույնպես սպասում է ՀՀ Սահմանադրական դատարանի կողմից «Կուտակային կենսաթոշակների մասին» ՀՀ օրենքի համապատասխան հոդվածների սահմանադրականության վերաբերյալ գործով վերջնական որոշման կայացմանը, որից հետո միայն ընկերությունը կձեռնարկի անհրաժեշտ քայլեր:

Միևնույն ժամանակ, ընկերությունը հավատարիմ կմնա աշխատակիցների պարտադիր կուտակային կենսաթոշակի գումարները փոխհատուցելու վերաբերյալ իր նախկինում կայացրած որոշմանը՝ ՀՀ Սահմանադրական դատարանի կողմից համապատասխան որոշում ընդունելու դեպքում:  Շարունակություն →